Erê ey be zulf û ruxsar senemî çîn mahî tabim
Demeke û xendeke û nîgahit nemek û mezey şerabim
Min leber nîgahit bimirim, to serî xemzekey celabim
Bilê pêm gulekey beharî ta be key le to cuda bim?
Ca were be şertî caran rojê sed carit fîda bim
Le wêraney dilî şêwawim şîn û waweylaye û roro
Awrê berbote henawim dête der le henasem boso
Bûme efsaney wilatan: şar be şar, mal be mal, ko be ko
Xalî çawit, goşey ebro, dû dînyan kirdim leser to
Ya bimke pîrî meyxane, ya murîdî xaneqat bim
Rûhekem rûy xot binwêne, ta be key kuştey nazit bim?
Demeket be tekellum bêne, ta nemirdûm hemrazit bim
Carekî be kerem bimdiwêne be fiday deng û awazit bim
Meylî ebroy to qet nanêm xemzedey çawekey bazit bim
Min ke hat û qîblem gorî, ya xwa kafir bê celabim!