Mikail Mahabadi
نیمە ئاواڵێ لە گۆشەی بێکەسیدا خەم نەبێ چاکە ئەو لێرەش وەفای هەر ماوە سایەی کەم نەبێ لاپەڕەی ژینم هەموو هەڵدەیتەوە تێیدا نییە باسی فرمێسک و هەناسە و شیوەن و ماتەم نەبێ ڕۆژگاری سپڵە بۆ من بۆسەیەیکی نایەوە نەمدی هەر تیرێ کە دەیهاوێ بەرەو سینەم نەبێ ڕەنجی دووریی دولبەرم بۆ کوشتنی من کافییە گەر لە دونیادا ئەمن هیچ مەینەتی دیکەم نەبێ نیمە ئاواڵێ لە گۆشەی بێکەسیدا خەم نەبێ چاکە ئەو لێرەش وەفای هەر ماوە سایەی کەم نەبێ ڕەمزی دڵداری لە زینی فێر بووە* یارم دەنا کوا ئەویندار و وەفاداری وەکوو من مەم نەبێ؟ کیژی شاریمان لە خۆی وەرگرتووە چارشێوی ڕەش داخەکەم نەمدی لەوێ مانگێکی دەوری* تەم نەبێ کوا دەزانێ چەند پەرێشان و پەشێوە حاڵێ من؟ ئەو کەسەی گیرۆدەی ئەگریجە و پەرچەم نەبێ نیمە ئاواڵێ لە گۆشەی بێکەسیدا خەم نەبێ چاکە ئەو لێرەش وەفای هەر ماوە سایەی کەم نەبێ
Nîme awalê le goşey bêkesîda xem nebê Çake ew lêreş wefay her mawe sayey kem nebê Laperey jînim hemû heldeytewe têyda nîye Basî firmêsk û henase û şîwen û matem nebê Rojgarî siple bo min boseyeykî nayewe Nemdî her tîrê ke deyhawê berew sînem nebê Rencî dûrîy dulberim bo kuştinî min kafîye Ger le dunyada emin hîç meynetî dîkem nebê Nîme awalê le goşey bêkesîda xem nebê Çake ew lêreş wefay her mawe sayey kem nebê Remzî dildarî le zînî fêr buwe* yarim dena Kwa ewîndar û wefadarî wekû min mem nebê? Kîjî şarîman le xoy wergirtuwe çarşêwî reş Daxekem nemdî lewê mangêkî dewrî* tem nebê Kwa dezanê çend perêşan û peşêwe halê min? Ew kesey gîrodey egrîce û perçem nebê Nîme awalê le goşey bêkesîda xem nebê Çake ew lêreş wefay her mawe sayey kem nebê