Bakir Lagzi
پشووی دواییم دەخوێنم بۆ گوڵ و گوڵزاری ئەم خاکە لە سایەی ئەم گوڵ و گوڵزارەیە بوومە هەزار دەستان نەتاندیوە کە ڕووباری خوڕێن بەردی دەقەڵشێنێ وەهاشە هەر کە زۆرداری دەسووتێنێ گڕی هەستان هەتا کەنگێ سیاچاڵی بەسامی دوژمنی زاڵم پڕاوپڕ بێ لە ڕۆڵەی گەل جمەی بێ وا لە دەس بەستان؟ هەتا کەی ئەشکی خوێنینی کچە کوردی برا کوژراو لە جێی بادە و لە بەزمی دوژمنان بدرێتە دەس مەستان سەهۆڵبەندانی بێدادی ئەگەرچی تووش و دژوارە بەڵام لێم سوورە وەک ڕۆژێ بەهار هەر دێ لە دووی زستان بە خەڵکی عالەمی سەلماندووە تاریخی ئازادی دەبێ زاڵم لەبەر تێکۆشەران بەرداتەوە دەستان
Pişûy dwayîm dexwênim bo gul û gulzarî em xake Le sayey em gul û gulzareye bûme hezar destan Netandîwe ke rûbarî xurên berdî deqelşênê Wehaşe her ke zordarî desûtênê girî hestan Heta kengê syaçalî besamî dujminî zalim Pirawpir bê le roley gel cimey bê wa le des bestan? Heta key eşkî xwênînî kiçe kurdî bira kujraw Le cêy bade û le bezmî dujminan bidrête des mestan Seholbendanî bêdadî egerçî tûş û dijware Belam lêm sûre wek rojê behar her dê le dûy zistan Be xelkî alemî selmanduwe tarîxî azadî Debê zalim leber têkoşeran berdatewe destan