Sadun Kakayi
ئی دڵێ زارێ منە زارێ دەمێ نازاردە لەو دەمێ نازارە پەس کەی یادی کەی لەی زاردە زارێ نازارێ تۆ چۊ گوڵزار و من چۊ بوڵبوڵم حەیفە بی بوڵبوڵ بمینی ئی گوڵ و گوڵزاردە تۆن ئەگەر لەیلید و من مەجنوونەگەی شیتێ تۆنم شیتی من مەوجباتێ ڕەونەقێ بازاڕدە تا تۆ پا ناریدەوە من خاترم ڕاحەت نیەود لایە لایەم خش خشێ خڕخاڵ و پائەفزاردە یەی خەراود هەم شەو و هەم ڕووی خەراوم کەی وە کول کافییە وابوود ئەڕای من ئەو دەمێ نازاردە ئەو دەمێ نازاردە باعس بییە بامە خوەنین زارێ تۆ باخێ گوڵە و قەسری هەزار زاردە
Î dilê zarê mine zarê demê nazarde Lew demê nazare pes key yadî key ley zarde Zarê nazarê to çü gulzar û min çü bulbulim Heyfe bî bulbul bimînî î gul û gulzarde Ton eger leylîd û min mecnûnegey şîtê tonim Şîtî min mewcbatê rewneqê bazarde Ta to pa narîdewe min xatirim rahet nyewid Laye layem xiş xişê xirxal û pa'efzarde yey xerawid hem şew û hem rûy xerawim key we kul Kafîye wabûd eray min ew demê nazarde Ew demê nazarde ba'is bîye bame xwenîn Zarê to baxê gule û qesrî hezar zarde