زۆر دەکشێ بە سەرما سێبەری داڵاشان زۆر دەڕژێ بە سەرما پەڵەخوێنی لاشان زۆر شەو بە برینداری لە خەو هەستاوم هەر بەرزەقەڵای کوردم و ڕاوەستاوم دایە گیان بگری لەسەر خاکم کەوا شینم دەوێ زۆر بگریە دایە گیان فرمێسکی خوێنینم دەوێ من گوڵی سەد ئارەزووی ژینم لە خاکا خەوتووە خاکی مەیدانی خەبات ڕەنگینی خوێنی من بووە دامەنیشە دایە گیان بۆ هاتنی من چاوەڕێ دڵنیا بە، بەسیەتی، بۆ دەنگی دەرگا مەگرە گوێ دایە گیان سوێندم بە فرمێسکی گەش و ئێشی دڵت دایە گیان سوێندم بە جەور و مەینەتی بێ حاسڵت من دەمێکە جەرگی سووتاندووم هەناسەی ساردی گەل دڵپڕی کردووم خەمی دەسکورتی و ڕەنگزەردیی گەل من کوڕی کوردی شەهیدی ڕێی خەباتم دایە گیان کۆتری خوێنینپەڕی باخی وڵاتم دایە گیان هەر وەکوو بێگانەیێ دڵ پڕ لە ناکامی و گرێ لەم هەموو دەستە نەبوو دەستێ کە بێ و دستم گرێ من لە شاری خۆم غەریب و بۆ هەموو بێگانە خوم کۆتری کوژراوی ڕێگای لانە خوم، بێ لانە خۆم
Zor dekşê be serma sêberî dalaşan Zor derjê be serma pelexwênî laşan Zor şew be birîndarî le xew hestawim Her berzeqelay kurdim û rawestawim Daye gyan bigrî leser xakim kewa şînim dewê Zor bigrye daye gyan firmêskî xwênînim dewê Min gulî sed arezûy jînim le xaka xewtuwe Xakî meydanî xebat rengînî xwênî min buwe Damenîşe daye gyan bo hatnî min çawerê Dilnya be, besyetî, bo dengî derga megre gwê Daye gyan swêndim be firmêskî geş û êşî dilit Daye gyan swêndim be cewr û meynetî bê hasilit Min demêke cergî sûtandûm henasey sardî gel Dilpirî kirdûm xemî deskurtî û rengizerdîy gel Min kurî kurdî şehîdî rêy xebatim daye gyan Kotrî xwênînperî baxî wilatim daye gyan Her wekû bêganeyê dil pir le nakamî û girê Lem hemû deste nebû destê ke bê û distim girê Min le şarî xom xerîb û bo hemû bêgane xum Kotrî kujrawî rêgay lane xum, bê lane xom
Mani Biruska