Nemrdm Min Eger Emcare Bê To

Nemirdim min eger em care bê to
Neçim şerit bê heta em xware bê to
Bînayîm kwêre helnayê be rûy kes
Mujem yek yek elêy bizmare bê to
Qesem bew şerbetî dîdarî pakit
Şerabim ’eynî jehrî mare bê to
Le kin to xarû xes gulzare bê min
Le lay min xermenî gul xare bê to
Le lay min ba wicûdî nasû ecnas
Kesîkey tya nîye em şare bê to
Heta tom aşna bûy aşnam bûn
Emêsta mû be mûm exyare bê to
Hemû rojê le taw hîcranî emsal
Temennay mirdinî pêrare bê to
Le hesret serwî qeddit çawî nalî
Dû coge belkû dû rûbare bê to
Honrawe: #nalî