Le nîsarî xornewaza tawê gwê bigre le razim
Heqim berê be cwanî tow em xakewe min binazim
Rojanêk bû bîrû bawer le hemû şit pîroztir bû
Girewî gyanbazî wa bû kê lewey tir dilsoztir bû
Kwa rojanî bera’etû pakîw sadeyîw rastigoyî
Çeşnî koçî azîzanman be şêneyî hemûy royî
Emêsta ke be naçarî rêy namoyî degrîne ber
Ewey mawe le jyanman le xerîbî eybeyne ser
Bimbenewe bo rojanî pir le yadî xoşî caran
Bo zemenî muhîbbetû meclîsî germî êwaran
Le her kwê bîn bo kwê biroyn her nîştîman qîblemane
Her dêynewe em wilate dwa menzilî hemûmane