Behare Bulbul

Behare bulbul, bulbul behare
Seretay naley ezîzekem sewdayî zare
Were binalîn be cût leşewda
Ême şewbêdar ezîzekem, bê xem le xewda

Wa berî beyan sifîdey nwand
Temû tarîkîy ezîzekem le gulşen rewand
Deştû kêw hemûy be gul xemlîwe
Bergî bûkênî ezîzekem tazey poşîwe

Hewrî beharîy le gerdû xulda
Çîmen gerdaney ezîzekem şewnim le milda
Lagîrey zêre qetarey gulzar
Heyasey pişte ezîzekem zincîrey rûbar

Bereza pirçî pexşan kirduwe
Şiney bay şemal ezîzekem şaney kirduwe
Nêrgiz be pencey yadî lêlaxan
Rûpoşî lada ezîzekem, sermestû xendan

Melan deçne ser liqî dirextan
Her yek awazêk ezîzekem elên bo beyan
Por be kinaçew qumrî be awaz
Bûn be dû yarî ezîzekem hawdemû hawraz

Honrawe: exol