Çengîz Sîgarçî
ئەی سپیتر لە خەونی من شەکرەسێو کێ باوەش بە تەنیاییتدا بکا؟ کێ؟ هێندە شکام لەبەردەمتا هێندە پەلکەزێڕینەی ئارەزووم چنی وەکوو سروودێکی سواو هەڵوەدات بووم و هەڵوەریم نیشتمان نیشتمان ڕەنجیتر لە خولیای دایکم پێش لە دایک بوونی من لەنگەری خەیاڵی شعرت دەخەمە پاڵ ئەم بنارە نووستووە لە سێبەری تۆدا تنۆکێ لەو زامە بەسۆیەت بچکێنە لە نێو پیاڵەی ئەم نەوە لاسارەت ئەگەر چەپکەنی وەنەوزی دانەڕنێ لە بەردەم سیمای باڵانوێنی تۆ ئەوەندە حەڵقەی خیانەتیان گواستەوە ئەنگوستی برا غەوارەمان نەناسیەوە باسی کام شەیدایی بکەم لە زەمهەریری تاسەمدا؟ شەکرەسێو کام؟ هەلهەلەی مەرگێکی ترە یا شەرمی خودایە دەتکێ بە ڕوخساری شەرمنتەوە یا خود قەپاڵی ئێمەیە؟ شەکرەسێو کام؟
Ey sipîtir le xewnî min şekiresêw Kê baweş be tenyayîtda bika? kê? Hênde şikam leberdemta Hênde pelkezêrîney arezûm çinî wekû sirûdêkî swaw Helwedat bûm û helwerîm Nîştiman Nîştiman rencîtir le xulyay daykim pêş le dayk bûnî min Lengerî xeyalî şi’irit dexeme pal em binare nûstuwe Le sêberî toda tinokê lew zame besoyet biçkêne le nêw pyaley em newe lasaret eger Çepkenî wenewzî danernê le berdem sîmay balanwênî to Ewende helqey xyanetyan gwastewe Engustî bira xewareman nenasyewe Basî kam şeydayî bikem le zemherîrî tasemda? Şekiresêw kam? Helheley mergêkî tire ya şermî xudaye detkê be ruxsarî şermintewe Ya xud qepalî êmeye? Şekiresêw kam?