Feslî behare katî seyrane
Kej û deşt û der razawe û cwane
Çunke newroze cejnî kurdane
Ba reşbelekêk saz keyn lew bane
Kakî zurnajen zurnakew bêre
Biray dehulkut xêra ke dêre
Kurgel sa êweş qaw kene naw dê
Her kes yarî xoy bêrê û des bigrê
Tuxwa çopîkêş qezat le gyan
Min bo geryanê ax zor perêşanim
Geryanêkî wa hest bicûlênê
Rîzî reşbelek cwan binexşênê
Gişt ewîndarê xir bikatewe
Xemî kon û nwê ax lebîr batewe
Ewcar çopîkêş la kere lawe
Qaw bike û bêje geryan tewawe
Ba le dway geryan gerimtir keyn şayî
Be nezmî xoşî gyan fetahpaşayî