Şewî payîze givey kûrey dê
Kipe kolan reşeba lûrey dê
’ecelî baxe be şara dexuşê
Xişexiş termî gela radekşê
Wekû ruxsarî gela bêrengim
Kulî konim le dile û diltengim
Dilekem heldegrê bîrewerî
Derî dênê le qire û çermeserî
Demê dembatewe şwênî caran
Demê demxatewe korî yaran
Demê dembatewe nêw awayî
Şewî cêjwan û şewî zawayî
Seqaxane wekû caran germe
Wetenî xome çi cêgey şerme
Demê hengamey cora bêne
Kure doray biro xurma bêne
Demê rawêjî hekayet be dewr
Şeredêwêke wekû rojî heşir
Demê tegbîre le şayî û dîlan
Mey û mutrîb meze be pêy fîlan
Desî serçopî debî î xom bê
Kiçî fîsare dirawsêy dom bê
Reşelawêk heye teplêk dênê
Deykutê *?
Tûzele û naye be qamîşî dirêj
Aferîn lêyde kurî ehmede cêj
Pirî qaqaye heway awayî
Le dilan dûre xem û tenyayî
Şewî payîzî lewê radebrê
Seyrî dunyaye lewêda dekirê
Merexolit we serim pîrewlat
Qelemî tom minî awarey mat
Fe’elatun fe’elatun fe’elat
De şewîş rawim binên dêmewe lat
Ke lepir dêmewe nêw em şare
Hest ekem giştî leşim zamare
Bilê zû cêyeke raxen role
Werezim, dewrî çirakem çole