Jîna Seqzî
نەمردم من ئەگەر ئەمجارە بێ تۆ نەچم شەرت بێ هەتا ئەو خوارە بێ تۆ دەروونم خاڵییە وەک نەی دەناڵێم هەوارێکی چ پڕ هاوارە بێ تۆ بیناییم کوێرە هەڵنایە بە ڕووی کەس موژەم یەک یەک دەڵێی بزمارە بێ تۆ قەسەم بەو شەربەتی دیداری پاکت شەرابم عەینی ژەهری مارە بێ تۆ لە کن تۆ خار و خەس گوڵزارە بێ من لە لای من خەرمەنی گوڵ خارە بێ تۆ لە کن من با وجوودی ناس و ئەجناس کەسی تێدا نییە ئەم شارە بێ تۆ هەتا تۆم ئاشنا بووی، ئاشنام بوون ئەمێستا موو بە مووم ئەغیارە بێ تۆ هەموو ڕۆژێ لە تاو هیجرانی ئەمساڵ تەمەننای مردنی پێرارە بێ تۆ لە حەسرەت سەروی قەددت چاوی نالی دوو جۆگە، بەڵکوو دوو ڕووبارە بێ تۆ
Nemirdim min eger emcare bê to Neçim şert bê heta ew xware bê to Derûnim xalîye wek ney denalêm Hewarêkî çi pir haware bê to Bînayîm kwêre helnaye be rûy kes Mujem yek yek delêy bizmare bê to Qesem bew şerbetî dîdarî pakit Şerabim eynî jehrî mare bê to Le kin to xar û xes gulzare bê min Le lay min xermenî gul xare bê to Le kin min ba wicûdî nas û ecnas Kesî têda nîye em şare bê to Heta tom aşina bûy, aşinam bûn Emêsta mû be mûm exyare bê to Hemû rojê le taw hîcranî emsal Temenay mirdinî pêrare bê to Le hesret serwî qedit çawî Nalî Dû coge, belkû dû rûbare bê to