هۆ کاکی جووتیار براکەم جووتت شەنگوڵ بێ
تووەکەت ڕازیانە ئەی وەی خەرمانت گوڵ بێ
ڕێو کاکی ڕێبوار وەی وەی ڕێگام کوێستانە
دەچم بۆ بۆکان ئەی وەی گوڵ لە عێرانە
وەی کاکی جووتیار براکەم جووت بکە بەتاڵ
میوانتم ماندووم ئەی وەی با بڕۆین بەرەو ماڵ
ڕێو خانمی ڕێبوار ئەی وەی ڕێگا نازانم
ڕێم پێ نیشان دە وەڵا خەڵکی عێرانم
وەی کاکی جووتیار براکەم جووتت بەکار بێ
خەلە و خەرمانت یا ڕەب بەرەکەتدار بێ
ڕێو خانمی ڕێبوار ئەی وەی ڕێم کەوتە دۆڵێ
تووشم بوو بە تووش چی بکەم هەوری لە کۆڵێ
هۆ کاکی جووتیار برازا گاکانت زەردە
بەجێ دەیکێڵی هاوار ئەو کێو و هەرده
ڕێو خاڵۆی ڕێبوار ئەی وەی ڕێگا نازانم
ڕێم پێ نیشان دە خانم خەڵکی بۆکانم
سڕێک وا لە دڵما بیڵێم زمان ئەسووتێ
بیشارمەوە و نەیبێژم مێشک و ئێسقان ئەسووتێ
ئەستێرەم منەجووم گەر لە بورجێدا وەدەرخا
لە تاوی ئاه و ناڵەم حەو ئاسمان دەسووتێ