لە باغان ئاهـ و ناڵین دێ

لە باغان ئاهـ و ناڵین دێ دەڵێن شای ناو گوڵان ڕۆیی
لە مەیخانە سەدای شین دێ ئەڵێن پیری موغان ڕۆیی
چ شین و ڕۆ و چ هاوارە لە ناو حەڵقەی موریدانا
دڵێکی سادە و ساوا بوو بە تاراجی خەزان ڕۆیی
دەمێک ساقی دەمت بێنە دەخیلی چاوەکانت بم
ئمجا بێ دەستی من بگرە فیدای پیری موغانت بم
لە دوو لا مەست و حەیرانم بە قووەی جەزبە نازانم
نە سەرگەردی سەر و گەردن نە قوربانی لەبانت بم
نە سەرگەردی سەر و گەردن نە حەیرانی لەبانت بم

گیانە دڵم بۆ زوڵف و ڕووی جانانە ئەگری
مناڵە بۆ گوڵ و ڕەیحانە دەگری
چرا ئەمشەو کە وا فرمێسک ئەڕێژێ
یەقین هەر بۆ منی پەروانە دەگری
گیانە دەکا شاباشی دەریایی دیدەم
کە چەشنی گەوهەری یەکدانە دەگری
خەزاڵی من ئەگەر ڕۆژێ نەبینێت
بیابان قوڕ ئەپێوێ و لانە دەگری
کەوان ئەبرۆ کەوایە بە تیری غەمزە تا کەی
لە جەرگی منی بێگوناهـ نیشانە دەگری

سەفا دوورە لە ئینسانی مەزڵووم و عاشق و شاعیر
بەشی هەر شین و زووخاوە دەروونی گەرمە وەک ئاور
لە باغان ئاهـ و ناڵین دێ دەڵێن شای ناو گوڵان ڕۆیی
لە مەیخانە سەدای شین دێ ئەڵێن پیری موغان ڕۆیی