چەترەگەد قنج کە تا خوەشنەما بوو
تەرتیفی لەبان شخڵ و گوونا بوو
ئەڕا تۆ نیەتیەی وە شینێ گەرمم
پەلگەگەد شووڕ کەی لە بانێ تەرمم
وەرجە مردنم وەسیەت کەم وە خیش
دەسێ دووس بگرن گوونا نەکەی ڕیش
چەترد جۊ لەولاو خستی وە لا
کوچگانێ چەن کەس نایدە بان گا
خوەم هام لە ئێڵاخ دووسم لە ژێربەن
چەپ چەپ زڵفەگەد بکەم ڕیشەکەن
زڕەی یەیدەسی پاوەن لە پامە
من لەی شابادە کی هەواخوامە!؟
لە پەنج دەریەگە زڵف کەیدە شانە
من کردیە وە سەنگ قاپی دەرانە
بمارکد بوو -کۆرە نابەڵەی ماڵەگەی کەڵهۊلە بیمە- ئی فرمێ تازە
خاس لەلێد کەفی قەد وەی ئەنازە
قاڵ کەفتەو قەیتۊل -وەی وەی ڕۊ بکەن من مردمە- زڵە لەباخان
دەر ماڵەگەی بیوەی شۊمردی بییە چراخان
لەیرە تا ئەورە یە چەنی دۊرە!
کلکی قاقز مەر تۊکێ سەمۊرە!
یەیدەسی=جۆرێک کوت و بەندە کە بۆ ئاژەڵان بەکار دێت
ژێربەن= ناوچەیێکی باشووری کوردستان و نێزیک شاری مەنەلی
شخڵ= جۆرێک سەروەن
کوچگانێ= وجاخ
کەڵهۊل= قژکاڵ/قژزەرد
کلکی قاقز= ئاماژە بە نامە دەکات
تۊکێ سەمۊرە= ئاماژە بە شتی زۆر گرانبەها دەکات