نەجمەدین غوڵامی
شەوانە ئەو دەمانەی شەو دەگاتە کاتی نیوەی شەو خەڵک نووست و لە چاوی من کەسەر دیسان ڕەواندی خەو سکووتێکی بەسام سەرتاسەری ئەم دێیە دادەگرێ دەڵێی هەر زیندەوارێکی هەیە لەو دێیەدا دەمرێ لە هیچ لا خشپەیەک نایە، چرای ماڵێکی ناییسێ بەئەسپایی لە ماڵ دێمە دەرێ دەخوشم وەکوو نیسێ تەک و تەنیا بەئارامی دەچم بۆ گردەکەی بەر دێ بەدڵتەنگی و کز و خەمناکی ڕادەکشێم لەسەر بەردێ دەکەم جا سەیری ئەستێران و هەڵدەمژم شنەی شەوبا شەو و بێدەنگی چەند خۆشە، هەمیشە خۆزگە هەر شەو با وەکوو ئاواڵی چاک ئەستێرەکان گوێ ڕادەدێرن بۆم هەتا بۆیان بەیان کەم موو بەموو ڕازی دەروونی خۆم کوڵم هەڵدەستێ ئەو جارە و لەبەر دەردم دەناڵێنم هەتا ئاوری دڵم دەکوژێتەوە ئەسرین دەبارێنم شەوانە گەر نەکەم ئەو شیوەن و ناڵین و گریانە دەسووتێنێ وجوودم ئاگری ئەم جەرگە بریانە
Şewane ew demaney şew degate katî nîwey şew Xelk nûstû le çawî min keser dîsan rewandî xew Sikûtêkî besam sertaserî em dêye dadegrê Delêy her zîndewarêkî heye lew dêyeda demrê Le hîç la xişpeyek naye, çiray malêkî nayîsê Be’espayî le mal dême derê dexuşim wekû nîsê Tekû tenya be’aramî deçim bo girdekey ber dê Bedlitengîw kizû xemnakî radekşêm leser berdê Dekem ca seyrî estêranû heldemjim şiney şewba Şewû bêdengî çend xoşe, hemîşe xozge her şew ba Wekû awalî çak estêrekan gwê radedêrin bom Heta boyan beyan kem mû bemû razî derûnî xom Kulim heldestê ew carew leber derdim denalênim Heta awrî dilim dekujêtewe esrîn debarênim Şewane ger nekem ew şîwenû nalînû giryane Desûtênê wicûdim agir î em cerge biryane