یادم کە

لە داخی مەینەتی دەوران دڵم پڕ ئاورە ساقی
لە ژاری تاڵی ژین دیسان پیاڵەی دڵ پڕە ساقی
بە یادم کە تۆ یادم کە ئازیزەکەم تۆ یادم کە
هەرچەند لە وڵاتی غەریبم ئازیزەکەم دڵشادم کە

وەرە ئەمشەو وەکوو هەر شەو وەرە ساقی دڵم خوێنە
هەتاکوو دێتە چاوم خەو حەرامەشەربەتان بێنە
بە یادم کە بە یادم کە ئازیزەکەم تۆ یادم کە
هەرچەند لە ولاتی غەریبم ئازیزەکەم دڵشادم کە

دڵم زووخاوی لێ دەڕژێ دەسا هەستە بکە مەستم
شەرابی کۆن لە جامی نوێ بە خوڕ تێکە بدە دەستم
بە یادم کە تۆ یادم کە ئازیزەکەم تۆ یادم کە
هەرچەند لە وڵاتی غەریبم ئازیزەکەم دڵشادم کە

کەوا کون کون بووە جەرگم لە جەوری ماتەمی دنیا
هەتاکوو سەردەمی مەرگم وەرە هەر تۆم دەوێ تەنیا
بە یادم کە تۆ یادم کە ئازیزەکەم تۆ یادم کە
هەرچەند لە وڵاتی غەریبم ئازیزەکەم دڵشادم کە