نەجمەدین غوڵامی
دایە گیان بگری لەسەر خاکم کەوا شینم دەوێ زۆر بگریێ دایە گیان فرمێسکی خوێنینم دەوێ من گوڵی سەد ئارەزووی ژینم لە خاکا خەوتووە خاکی مەیدانی خەبات ڕەنگینی خوێنی من بووە دامەنیشە دایە گیان بۆ هاتنی من چاوەڕێ دڵنیا بە، بەسیەتی، بۆ دەنگی دەرگا مەگرە گوێ دایە گیان سوێندم بە فرمێسکی گەش و ئێشی دڵت دایە گیان سوێندم بە جەور و مەینەتی بێ حاسڵت من دەمێکە جەرگی سووتاندووم هەناسەی سەردی گەل دڵپڕی کردووم خەمی دەسکورتی و ڕەنگ زەردی گەل من کوڕی کوردی شەهیدی ڕێی خەباتم دایە گیان کۆتری خوێنین پەڕی باخی وڵاتم دایە گیان هەر وەکوو بێگانەیێ دڵ پڕ لە ناکامی و گرێ لەم هەموو دەستە نەبوو دەستێ کە بێ و دستم گرێ من لە شاری خۆم غەریب و بۆ هەموو بێگانە خوم کۆتری کوژراوی ڕێگای لانە خوم، بێ لانە خۆم دایە گیان ئەو کیژە وا ئەتویست بە بووکی تۆ ببێت خۆت بدە پیشانی جارێک با بە هیوای من نەبێت تاکوو بتبینێ کە ڕەشپۆشی لە سەر تا پاتەوە بەڵکوو بڕوا و دڵنیا بێ و من لەبیرەو باتەوە
Daye gyan bigrî leser xakim kewa şînim dewê Zor bigryê daye gyan firmêskî xwênînim dewê Min gulî sed arezûy jînim le xaka xewtuwe Xakî meydanî xebat rengînî xwênî min buwe Damenîşe daye gyan bo hatnî min çawerê Dilnya be, besyetî, bo dengî derga megre gwê Daye gyan swêndim be firmêskî geşû êşî dilit Daye gyan swêndim be cewrû meynetî bê hasilit Min demêke cergî sûtandûm henasey serdî gel Dilpirî kirdûm xemî deskurtîw reng zerdî gel Min kurî kurdî şehîdî rêy xebatim daye gyan Kotrî xwênîn perî baxî wilatim daye gyan Her wekû bêganeyê dil pir le nakamîw girê Lem hemû deste nebû destê ke bêw distim girê Min le şarî xom xerîbû bo hemû bêgane xum Kotrî kujrawî rêgay lane xum, bê lane xom Daye gyan ew kîje wa etwîst be bûkî to bibêt Xot bide pîşanî carêk ba be hîway min nebêt Takû bitbînê ke reşpoşî le ser ta patewe Belkû birwaw dilnya bêw min lebîrew batewe