نەجمەدین غوڵامی
حاڵی من خاسە بەقوربان نامەکانت هانە کوێ چاوەڕێتم وەک هەمیشە قەولەکانت هانە کوێ پێکەنینت وەک شەماڵە باخی دڵ ئاوان ئەکا ئەم بەهارە چۆن نەهاتی لێوەکانت هانە کوێ حاڵی من تافی دەزانێ وا خەریکە وشک ئەوێ پەنجەکانم وێڵن ئەمشەو زولفەکانت هانە کوێ سەد چلەم کێشا لە بۆ تۆ ئەی هەناسەی ئاخرم ڕۆحی من هێزی نەماگە دەستەکانت هانە کوێ خۆت وتۆ هەر چاوەڕێمی تا لە غوربەت بێمەوە من خەریکم تێم عەزیزم چاوەکانت هانە کوێ من گلە ناکەم لە تۆ ئەی هاونشینی وێنەکەم چۆن دڵۆ تێ لێم نەپرسی شێعرەکانت هانە کوێ
Halî min xase bequrban namekanit hane kwê Çawerêtim wek hemîşe qewlekanit hane kwê Pêkenînit wek şemale baxî dil awan eka Em behare çon nehatî lêwekanit hane kwê Halî min tafî dezanê wa xerîke wişk ewê Pencekanim wêln emşew zulfekanit hane kwê Sed çilem kêşa le bo to ey henasey axirim Rohî min hêzî nemage destekanit hane kwê Xot wito her çawerêmî ta le xurbet bêmewe Min xerîkim têm ’ezîzim çawekanit hane kwê Min gile nakem le to ey hawinşînî wênekem Çon dilo tê lêm nepirsî şê’rekanit hane kwê