لێی گەڕێ با دڵم بگری

لێی گەڕێ با دڵم بگری
ژیری مەکەوە بە لایەلایە
وەرزی ئەوین زەرد و کزرە
باران نەبێ دادی نایە
ئێمە بێستانێکمان داچاند
بوو بە پارووی ڕەشەبایە
ئێمە داستانێکمان نەخشاند
بوو بە ئازاری دونیایە

لێی گەڕێ با دڵم بگری
گیانە هێشتا سەرەتایە
لێ گەڕێ با شەو درێژ بێ
ڕۆژی ئێمە هەر هەڵنایە
لە سەرەوە بۆم بچڕەوە
کۆتایی زۆر بێ مانایە
بمکەوە بە کۆرپە منداڵ
بمنێوە بەر مەمکی دایە
لێی گەڕێ با دڵم بگری
ژیری مەکەوە بە لایەلایە