نەجمەدین غوڵامی
چەکهەڵگری خاکێکم دوژمن لەسەری زاڵە من بوومەتە بێگانە و بێگانە خاوەن ماڵە گەر عومر بدا ماوە ڕێبازی خەبات ئەگرم شێرانە بە شەڕ دێم و پیاوانە ئەبێ بمرم ئەی دوژمنی ماڵوێران زۆر وەختە کە ئەمشێلی ون نابی لەبەر چاوم ناڕۆیت و بەجێم بێڵی چەکهەڵگری خاکێکم دوژمن لەسەری زاڵە من بوومەتە بێگانە و بێگانە خاوەن ماڵە هەرچی کە هەبوو بردت چی ماوە هەڵینووشی ئەی گورگی زیانیدەر بۆ هێندە دڕ و تووشی گەر بمدەنە بەر گوللە ئەم ڕێگایە ڕێگامە لابردنی تاڵانکەر فەوتاندنی بڕوامە چەکهەڵگری خاکێکم دوژمن لەسەری زاڵە من بوومەتە بێگانە و بێگانە خاوەن ماڵە خوێناوی لەشی خەڵکە بابۆڵەی دەسی ڕۆڵەت ئەی لاوی شەهیدی کورد ئەستێنین حەق و تۆڵەت ئەی لاوی شەهیدی کورد ئەستێنین حەق و ڕۆڵەت ئەم ڕێگە کە گرتوومە دواڕۆژی لەلام ڕوونە یار سەرکەوتنی کوردە یا مەرگ و تیاچوونە چەکهەڵگری خاکێکم دوژمن لەسەری زاڵە من بوومەتە بێگانە و بێگانە خاوەن ماڵە دایە گیان دایە گیان بگری لەسەر خاکم کەوا شینم دەوێ زۆر بگریە دایەگان فرمێسکی خوێنینم دەوێ من گوڵی سەد ئارەزووی ژینم لە خاکا خەوتووە خاکی مەیدانی خەبات ڕەنگینی خوێنی من بووە دامەنیشە دایە گیان بۆ هاتنی من چاوەڕێ دڵنیا بە بەسیەتی بۆ دەنگی درگا مەگرە گوێ دایە گیان دایە گیان سوێندم بە فرمێسکی گەش و ئێشی دڵت دایە گیان سوێندم بە جەور و مەینەتی بێحاسڵت من دەمێکە جەرگی سووتاندووم هەناسەی سەردی گەل دڵپڕی کردووم خەمی دەسکورتی و ڕەنگزەردی گەل من کوڕی کوردی شەهیدی ڕێی خەباتم دایە گیان کۆتری خوێنینپەڕی باخی وڵاتم دایە گیان هەر وەکوو بێگانەیێ دڵ پڕ لە ناکامی و گرێ لەم هەموو دەستە نەبوو دەستێ و کە بێ و دەستم گرێ من لە شاری خۆم غەریب و بۆ هەموو بێگانە خۆم کۆتری کوژراوی ڕێگای لانە خۆم بێ لانە خۆم دایە گیان بگری لەسەر خاکم کەوا شینم دەوێ زۆر بگریە دایەگان فرمێسکی خوێنینم دەوێ دایە گیان ئەو کیژە وا ئەتویست بە بووکی تۆ ببێت خۆت بدە پیشانی جارێ با بە هیوای من نەبێت تاکوو بتبینێ کە ڕەشپۆشی لە سەر تا پاتەوە بەڵکوو بڕوا دڵنیا بێ و من لەبیرەو باتەوە دایە گیان دایە گیان بگری لەسەر خاکم کەوا شینم دەوێ زۆر بگریە دایەگان فرمێسکی خوێنینم دەوێ
Çekhelgirî xakêkim dujmin leserî zale Min bûmete bêganew bêgane xawen male Ger ’umir bida mawe rêbazî xebat egirim Şêrane be şer dêmû pyawane ebê bimirim Ey dujminî malwêran zor wexte ke emşêlî Win nabî leber çawim naroytû becêm bêlî Çekhelgirî xakêkim dujmin leserî zale Min bûmete bêganew bêgane xawen male Herçî ke hebû birdit çî mawe helînûşî Ey gurgî zyanîder bo hênde dirû tûşî Ger bimdene ber gulle em rêgaye rêgame Labirdinî talanker fewtandinî birwame Çekhelgirî xakêkim dujmin leserî zale Min bûmete bêganew bêgane xawen male Xwênawî leşî xelke baboley desî rolet Ey lawî şehîdî kurd estênîn heqû tolet Ey lawî şehîdî kurd estênîn heqû rolet Em rêge ke girtûme dwarojî lelam rûne Yar serkewtinî kurde ya mergû tyaçûne Çekhelgirî xakêkim dujmin leserî zale Min bûmete bêganew bêgane xawen male Daye gyan Daye gyan bigrî leser xakim kewa şînim dewê Zor bigrye dayegan firmêskî xwênînim dewê Min gulî sed arezûy jînim le xaka xewtuwe Xakî meydanî xebat rengînî xwênî min buwe Damenîşe daye gyan bo hatnî min çawerê Dilnya be besyetî bo dengî dirga megre gwê Daye gyan Daye gyan swêndim be firmêskî geşû êşî dilit Daye gyan swêndim be cewrû meynetî bêhasilit Min demêke cergî sûtandûm henasey serdî gel Dilpirî kirdûm xemî deskurtîw rengizerdî gel Min kurî kurdî şehîdî rêy xebatim daye gyan Kotrî xwênînperî baxî wilatim daye gyan Her wekû bêganeyê dil pir le nakamîw girê Lem hemû deste nebû destêw ke bêw destim girê Min le şarî xom xerîbû bo hemû bêgane xom Kotrî kujrawî rêgay lane xom bê lane xom Daye gyan bigrî leser xakim kewa şînim dewê Zor bigrye dayegan firmêskî xwênînim dewê Daye gyan ew kîje wa etwîst be bûkî to bibêt Xot bide pîşanî carê ba be hîway min nebêt Takû bitbînê ke reşpoşî le ser ta patewe Belkû birwa dilnya bêw min lebîrew batewe Daye gyan Daye gyan bigrî leser xakim kewa şînim dewê Zor bigrye dayegan firmêskî xwênînim dewê