دە مەگری مەگری چاوەکەت جوانە

نە خوا دەمکوژێ نە بۆخۆم دەمرم
چونکە غەریبم کەس ناگرێ قەدرم
دە مەگری مەگری چاوەکەت جوانە
هەرچەن تۆ دەگریت ماڵم وێرانە

لە دوورەو هاتووم بناسە دەنگم
تۆزی غەریبی نیشتووە لە ڕەنگم
دە مەگری مەگری چاوەکەت جوانە
هەرچەن تۆ دەگریت ماڵم وێرانە

لە وڵاتی غەریب غەریب دیارە
جێگای غەریبان گۆشە و کەنارە
دە مەگری مەگری چاوەکەت جوانە
هەرچەن تۆ دەگریت ماڵم وێرانە

دەترسم بمرم لەم دووروڵاتە
دڵ پڕ لە خۆزگە و ئۆف و ئاواتە
دە مەگری مەگری چاوەکەت جوانە
هەرچەن تۆ دەگریت ماڵم وێرانە