زارا

لەسەر باڵای لەیلایە بوومە پەندی دونیایە
مردم بە گریان و زاری، شەو و ڕۆژم خەو نایە
زوڵفت ڕەشە ڕیحانە، سینگت کارگی کەمایە
خۆ منیش وەکوو مەجنوونێ نەماوم بۆ لەیلایە
جار جارە دیدەم زارە، بەم ئێوارە شەدەی لارە
گڕووی لێ گرتووم زارا
دەڵێم لەگەڵت نایەم بۆم نەکڕی گوڵ و گوارە
فەسڵێکی زۆر دڵگیرە نێوان مانگی بەهاران
کوێستان دەڕازێنەوە خێڵان هەڵدەکشێن بۆ بناران
دوو شت ئێجگار زۆر خۆشە بۆ سەبووری دڵداران
گەڕەلاوژەی شەوانە، هەڵپەڕینی ئێواران
جار جارە دیدەم زارە، بەم ئێوارە شەدەی لارە
گڕووی لێ گرتووم زارا
دەڵێم لەگەڵت نایەم بۆم نەکڕی گوڵ و گوارە
نێوان مانگی بەهاران وەختی خێڵ بەرەوژوورە
لە هاڕەی ئاوهەڵدێری کوێستانی سەرسنوورە
ورشەی بازنە و پاوانە خرمەی گوارە و بەرموورە
قاقای کیژە عێڵاتیان لە نێو گوڵاڵەسوورە
جارجارە دیدەم زارا بەم ئێوارە شەدەی لارە
گڕووی لێ گرتووم زارا
دەڵێم دەگەڵت نایەم بۆم نەکڕی گوڵ و گوارە