باڵاکەی بەرزە خاڵانی وردە

باڵاکەی بەرزە خاڵانی وردە
بەو هەوای ڕێگای وادیارە کوردە
کارێکت کردووە تۆ بە من سەوزە
خەیاڵم هەر تۆی لەو تایفە و هۆزە
ئەی های و وەی وەی وەی وەی
چەی کردووە لە خوەی
لەو قەد و باڵا لە ئەگریجەکەی
شێت و شەیداتم ڕەحمم پێ ناکەی

شەرت بێ لە داخد بڕۆم نێمەوە
وەک بارام لە شوێن گوڵەندامەوە
گوڵەندام کەنیز دەست و جامت بێ
هزاران بارام گردێ دامت بێ
ئەی های و وەی وەی وەی وەی
چەی کردووە لە خوەی
لەو قەد و باڵا لە ئەگریجەکەی
شێت و شەیداتم ڕەحمم پێ ناکەی

هەر مناڵ بووم بۆ وەتەن خۆم خستە ناو گێژی خەتەر
تازە زانیم وەڵڵا پووڵێ ناکا فەلسەفە و شێعر و هونەر
بێ پشوو کاکە منیش کەوڵی نادانیم[کەریم] وا کردە بەر
پیاوی زانا عەقڵی دانا وەڵڵا زانی بۆی ناچێتە سەر
بەرگی نادانیم لەبەر کرد و لە حەپسی دەرپەڕیم
با دەمێکیش زۆر و کەم براکەم
با کەمێکیش زۆر و کەم ڕەفیقان وەک بێخەمێک بۆخۆم بژیم

باڵاکەی بەرزە خاڵانی وردە
ئەسڵی بەگزادە نەتەوەی کوردە
کارێکت کردیە بێ بەقا و بێ بەین
دووریت دەمکوژێ تاوتاو و بەین بەین
ئەی های و وەی وەی وەی وەی
چەی کردیە لە خوەی
لەو قەد و باڵا لە ئەگریجەکەی
شێت و شەیداتم ڕەحمم پێ ناکەی

هۆنراوەی بەشی مەقام: قانە