لەم وڵاتە داچۆڕاوە تا دێم ئەنفال بەرین و بەرینتر دەبێ سێوە خانێ
لەم وڵاتە داچۆڕاوە تا دێ برین قووڵ و قووڵتر دەبێ سێوە خانێ
لەم وڵاتە داچۆڕاوە تا دێ ئەوین مەحاڵ و مەحاڵتر دەبێ سێوە خانێ
سێوە خانێ ئەمشەو لە گەردوونی چاوتا لەنگەر دەگرم
هاتووم لە ماچانت بگرم سێوە خانێ
سێوە خانێ ئەمشەو بروسکە زین دەکەم دەڕۆین دەڕۆین سێوە خانێ
بۆ کوێت بەرم سێوە خانێ بەو شەوی با و بۆرانێ
نا نا نا ناگەمەوە کوردستانێ سێوە خانێ
بۆ کویت بەرم سەرداری ڕۆحە شێتەکەم
بۆ کوێت بەرم سێوە خانێ
ئەم کەرنەڤاڵی کوشتنە بۆ ئێمەیە
ئەم هەموو پەتە زبرانە بۆ گەردنی سەد جار ڕووشاوی ئێمەیە سێوە خانێ
دە پێم بڵێ بۆ کوێت بەرم
ئەمە کوولەکەی ڕۆحەکەم بیشکێنە
ئەمە دڵە ناسۆرەکەم بیسووتێنە
چۆن ئەم دڵەت بۆ بنێرم
بە کام قاسیدی بسپێرم سێوە خانێ
دەزانم گیانه دەزانم
خۆشەویستی تەوقی ئەبەدی گەردنە
خۆشەویستی سووتانە داگیرکردنە
بێ تۆ سەرداری ڕۆحەکەم ژیان مەنفا مەنفاش توونێلی مردنە سێوە خانێ
هەر تۆ سەرداری ئەم ڕۆحە شێتەی منی
هەر تۆ بەستەی ئەم گەرووە نووساوەی منی سێوە خانێ
بۆ کوێت بەرم سێوە خانێ بەو شەوی با و بۆرانێ
نا نا نا ناگەمەوە کوردستانێ سێوە خانێ
سێوە خانێ سێوە گیانێ ڕۆحە خانێ ئاخ سێوە خانێ