چەنگیز سیگارچی
چەندە خاوە هەور خەیاڵی تەک هەتاو دەعوا ئەکا خۆر بە تیشکێکی تەنانەت هەوری ڕەش ڕیسوا ئەکا دێ بە تاوان ماچی گوڵ سوور وشک ئەکا ڕووبار بەڵام ئەو لە دەشتی قاقڕستان بۆ دڕک دۆعا ئەکا باسی باخێ تر بکا پەروانە موڕتەد دەرئەچێ چۆن لە ئایین شەوپەرەستان جەنگ و شەڕ تەک خوا ئەکا زۆر بەقەدر و قیمەتە مردوو لە لای ئەو بۆیە هەر دێ بە حۆکمێکی قەلی ڕەش مەرگی شین ئیمزا ئەکا دەستی قەل سوورە بە خوێنی ئاشتی و عشق و ئەوین وا لەسەر جانمازی خوێنین نوێژی شەڕ بەرپا ئەکا دێ شریخەی شاخ و شار و شعر و شمشاڵ و شەپۆل ئاگری تۆڵە بە سەریان ئاخری هەر دائەکا دەستبەسەر کەن گەر هەتاوو چەم لە سێدارە بدەن هەر لە نێو باخی دڵی مە دار بەڕوو باڵا ئەکا گەر شەقەی باڵی هەڵۆیان بێتە گوێ دیسانەوە چەن چەقەڵ دەمرێ لەسەر ترس و سەد قەلی ڕەش ڕا ئەکا
Çende xawe hewr xeyalî tek hetaw de’wa eka Xor be tîşkêkî tenanet hewrî reş rîswa eka Dê be tawan maçî gul sûr wişk eka rûbar belam Ew le deştî qaqrisitan bo dirk do’a eka Basî baxê tir bika perwane murted der’eçê Çon le ayîn şewperestan ceng û şer tek xwa eka Zor beqedir û qîmete mirdû le lay ew boye her Dê be hokmêkî qelî reş mergî şîn îmza eka Destî qel sûre be xwênî aştî û ’işq û ewîn Wa leser canmazî xwênîn nwêjî şer berpa eka Dê şirîxey şax û şar û şi’ir û şimşal û şepol Agirî tole be seryan axrî her da’eka Destibeser ken ger hetawu çem le sêdare biden Her le nêw baxî dilî me dar berû bala eka Ger şeqey balî heloyan bête gwê dîsanewe Çen çeqel demrê leser tirs û sed qelî reş ra eka