تینوویە دەمێکە چەمەنی باغی ئەوینم
ئەم باخە بدێرە وەرە مەی بێرە سەرینم
دەستی غەمەکەم بگرە لە مەیخانە بەدەر کە
ڕێگەی مەدە ئێرە وەرە لەم مەستە حەزەر کە
نا نا لێگەڕێ باکوو بمێنێتەوە گیانە
ئەم کۆترە وێلانە دڵی گرتووە لانە
بۆ مەی نییە ساقی کە پەنا دێنمە ئێرە
هەر کەس بە شەڕابی غەمی جانانەیێ تێرە
من هەمدەمی بادەم کە خەمی سینە بە با دەم
دەستم گرە گیانە وەرە بسپێرە بە بادەم
ساقی گوزەرا شەو بە فیداتم وەرە دێرە
دڵ تەنگە، درەنگە، وەرە سا بادە بگێڕە
هۆنراوە: مامۆستا شەریف