نەجمەدین غوڵامی
هەنگەزەردە ئەبڕێ ڕێی دوور بۆ بینینی گوڵاڵەی سوور تا نەگەڕێ مێرگی بەهار دەم نانێتە ناو دەمی یار! چۆن بە پێی خۆی دێ گوڵی گەش بۆ لای شوانی کەپەنکڕەش؟ نەک گوڵێک و نەک سیان و چوار چەن لە دێدا هەبێ نازدار؟! لە ناو دێوە پۆل پۆل نازدار ئەشێلن سەوزەگیای بەهار بۆ لای شوانی شمشاڵ پڕ جۆش هەی بەختی باش! ژیانی خۆش! هەر لە دێوە هەتا ناو ڕان بە لەنجە دێن شیردۆشی جوان هەڵئەپەڕن بۆ شمشاڵژەن هەی بەختی باش! ژیانی شاد! هۆنراوە: گۆران
Hengezerde ebrê rêy dûr Bo bînînî gulaley sûr Ta negerê mêrgî behar Dem nanête naw demî yar! Çon be pêy xoy dê gulî geş Bo lay şwanî kepenkireş? Nek gulêk û nek syan û çwar Çen le dêda hebê nazdar?! Le naw dêwe pol pol nazdar Eşêln sewzegyay behar Bo lay şwanî şimşal pir coş Hey bextî baş! jyanî xoş! Her le dêwe heta naw ran Be lence dên şîrdoşî cwan Hel’epern bo şimşaljen Hey bextî baş! jyanî şad! Honrawe: goran