نەجمەدین غوڵامی
دڵم تەنگە وەکوو خونچەی دەمی تۆ سەرم گێژە لە گێژی پەرچەمی تۆ دڵ و گیان و ژیانم دا بە ماچێ وتت پێک نایە زۆری من کەمی تۆ لە چەشنی ئاگرن کوڵمی گەشی تۆ لە مار ئەستەمترن پرچی ڕەشی تۆ بڵێم وەک چی دەچێ، هەر گوڵ دەزانم لە گوڵ ناسکترە ناسک لەشی تۆ لە گوارەی پڕپەڕەنگ دڵ پڕ پەڕەنگم چەماوی بەژن و باڵای شۆخ و شەنگم لەسەر سینەی سپی چاوم سپی بوو لە تاوی زەردەلیمۆت زەردە ڕەنگم «مێشی خاڵت نافڕن بەس باوەشێنی کە بەناز چونکە پابەندە بە شەهدی شەکەری گۆناتەوە» کش و ماتە جیهان لە ژوانی، دەنوێ گەلاوێژ بۆ مە دەڕوانێ لەسەر سوێ چریکەی بولبولێک دێ وا دەزانم چپەی ماچی من و تۆی هاتە بەر گوێ
Dilim tenge wekû xunçey demî to Serim gêje le gêjî perçemî to Dil û giyan û jiyanim da be maçê Witit pêk naye zorî min kemî to Le çeşnî agirin kulmî geşî to Le mar estemtirin pirçî reşî to Bilêm wek çî deçê, her gul dezanim Le gul nasiktire nasik leşî to Le gwarey pirpereng dil pir perengim Çemawî bejin û balay şox û şengim Leser sîney sipî çawim sipî bû Le tawî zerdelîmot zerde rengim mêşî xalit nafirin bes baweşênî ke benaz Çunke pabende be şehdî şekerî gonatewe Kiş û mate cîhan le jwanî, denwê Gelawêj bo me derwanê leser swê Çirîkey bulbulêk dê wa dezanim Çipey maçî min û toy hate ber gwê