نەجمەدین غوڵامی
دایە گیان بگری لەسەر خاکم کەوا شینم دەوێ زۆر بگریێ دایە گیان فرمێسکی خوێنینم دەوێ من گوڵی سەد ئارەزووی ژینم لە خاکا خەوتووە خاکی مەیدانی خەبات ڕەنگینی خوێنی من بووە دامەنیشە دایە گیان بۆ هاتنی من چاوەڕێ دڵنیا بە، بەسیەتی، بۆ دەنگی دەرگا مەگرە گوێ دایە گیان سوێندم بە فرمێسکی گەش و ئێشی دڵت دایە گیان سوێندم بە جەور و مەینەتی بێ حاسڵت من دەمێکە جەرگی سووتاندووم هەناسەی سەردی گەل دڵپڕی کردووم خەمی دەسکورتی و ڕەنگی زەردی گەل من کوڕی کوردی شەهیدی ڕێی خەباتم دایە گیان کۆتری خوێنین پەڕی باخی وڵاتم دایە گیان هەر وەکوو بێگانەیێ دڵ پڕ لە ناکامی و گرێ لەم هەموو دەستە نەبوو دەستێ کە بێ و دستم گرێ من لە شاری خۆم غەریب و بۆ هەموو بێگانە خوم کۆتری کوژراوی ڕێگای لانە خوم, بێ لانە خۆم
Daye giyan: bigrî leser xakim kewa şînim dewê Zor bgiryê daye giyan firmêskî xwênînim dewê Min gulî sed arezûy jînim le xaka xewtuwe Xakî meydanî xebat rengînî xwênî min buwe Damenîşe daye giyan bo hatinî min çawerê Dilniya be, besyetî, bo dengî derga megre gwê Daye giyan swêndim be firmêskî geş û êşî dilit Daye giyan swêndim be cewr û meynetî bê hasilit Min demêke cergî sûtandûm henasey serdî gel Dilpirî kirdûm xemî deskurtî û rengî zerdî gel Min kurî Kurdî şehîdî rêy xebatim daye giyan Kotirî xwênîn perî baxî wilatim daye giyan Her wekû bêganeyê dil pir le nakamî û girê Lem hemû deste nebû destê ke bê û distim girê Min le şarî xom xerîb û bo hemû bêgane xom Kotirî kujrawî rêgay lane xum, bê lane xom