نەجمەدین غوڵامی
نیگار سەیری ئەویندارانی خۆی کرد و نەبوو بایی ئیتر کۆژانی ڕۆژانی هەموومان هاتە کۆتایی سەری سەودای سەما پێ خست و سامانی سەری بردم گەهێ شێتی شەوی شارم دەمێ هی ڕۆژی ئاوایی دەهۆڵ و دووزەلە و زوڕنا کپ و بێ نەشئە بوون سەرجەم کە یار پاشایی هات شایی خرۆشا جۆشی تێ زایی بە شۆعلەی عەشقی پڕتاوی وەها شێواو و سووتاوم لە جەرگم خوێن دەبارێت و لە چاوم ئەشکی بێ دوایی کە دڵبەر پێکەنی زوو دڵ بەری گرت و وتی یاران گەلێکم خوێن مژا هیچ کەس بە هیچ نابێ لە خۆڕایی مەڕەنجێ تۆ بڕەنجی گەنجی ڕەنجی من بە با دەڕوا دەبێ چەشنی هەتیو بگریم لە پاڵ دیواری تەنیایی سروشتی دوونە گەردوون گەر دڵت ڕۆحم نەلاوێنێ گوڵی عومرم دەژاکێنێ خەم و ئازار و ڕاڕایی بە بێ عەشق و ئەوینی تۆ ژیان بێ فەرقە بۆ کوردۆ چ ئاو بێت و چ ئاگر بێ چ شیوەن بێت و چ شایی
Nîgar seyrî ewîndaranî xoy kird û nebû bayî Îtir kojanî rojanî hemûman hate kotayî Serî sewday sema pê xist û samanî serî birdim Gehê şêtî şewî şarim demê hî rojî awayî Dehol û dûzele û zurna kip û bê neşe bûn sercem Ke yar paşayî hat şayî xiroşa coşî tê zayî Be şoley eşqî pirtawî weha şêwaw û sûtawim Le cergim xwên debarêt û le çawim eşkî bê dwayî Ke dilber pêkenî zû dil berî girt û witî yaran Gelêkim xwên mija hîç kes be hîç nabê le xorayî Merencê to brencî gencî rencî min be ba derwa Debê çeşnî hetîw bigrîm le pal dîwarî tenyayî Siruştî dûne gerdûn ger dilit rohim nelawênê Gulî umrim dejakênê xem û azar û rarayî Be bê eşq û ewînî to jiyan bê ferqe bo kurdo Çi aw bêt û çi agir bê çi şîwen bêt û çi şayî