وەکوو دەریا شەپۆل دەدەم
بە گریانم هەراسانم
بە چواردەورم گێژەن ئەخۆم
چی بەسەر هات دەزگیرانم، دەزگیرانم؟
وەکوو پەری لە کەناری خۆرئاوا بوو
بەبێ بزەی ماڵئاوایی لە دەستم دەرچووە بێشوو
ئەو ڕۆژانەی بەیەکوە پەڕەی گوڵمان هەڵئەوەراند
ئەو ساتانەی لە لێوی یەک ماچی بەهاریمان ئەچاند
وەرەوە وەرەوە دەردی دڵ چارە کەین
دەردی دڵ گرانە و با ئیتر چارەی کەین
با ئیتر نەسووتێین هەردووکمان تاکوو هەین
وەرەوە لە غەریبی وەرەوە
بگەڕێوە تاکوو دەستی باخچە و بەهار لێرە بگرین
بگەڕێوە لە غەریبی با چی دی بۆ یەکتر نەگرین
ئێستا ئێرە وشکە بۆ من وەکوو وەرزی گەڵاوەرین
ئێستا پێکی پەشیمانی ئەنۆشم لە داخی ئەوین
ئەو ڕۆژانەی بەیەکوە پەڕەی گوڵمان هەڵئەوەراند
ئەو ساتانەی لە لێوی یەک ماچی بەهاریمان ئەچاند
وەرەوە وەرەوە دەردی دڵ چارە کەین
دەردی دڵ گرانە و با ئیتر چارەی کەین
وەرەوە وەرەوە دەردی دڵ چارە کەین
وەرەوە لە غەریبی وەرەوە
ئاواز: زەکەریا
هۆنراوە: شاڵاو