دڵ نەخۆشی دەردی هیجرە جانی جانانم وەرە
لەت لەتە جەرگی هووناوم ماهی تابانم وەرە
عیللەتی دەردی شیفاکەم وا بە لێوی شەکەرت
مایەیی ژین و حەیات و دەردی دەرمانم وەرە
ڕۆژی جەژنە چاوەکانم موسمی ئازادییە
بۆ بەڵاگەردانی باڵات قۆچی قوربانم وەرە
لێی گەڕێن با بمکوژێ، شەهیدی موژگانی دەبم
ئەی ڕەفیقانی تەریقەت دەردی عیشقم چارە کەن
یا بە جارێ بمکوژن جەرگم بە خەنجەر پارە کەن
سەد حەکیم هات و عەلاجی ئەم برینەی قەت نەکرد
تۆ عەلاجی زامەکەم کە زووبە لوقمانم وەرە
ئەی ڕەفیقانی تەریقەت دەردی عیشقم چارە کەن
یا بە جارێ بمکوژن جەرگم بە خەنجەر پارە کەن
چاوەکەم بۆ ڕووی فیراقت دڵ دەناڵێ چون ڕوباب
بەو دوو ئەبرۆی میسلی تاقت بەندی جەرگم بوو کەباب
گەر بزانیت چەند پەشێوە حاڵەکەم بۆ دیدەنت
سەد ئەوەندەی زولفەکانت دڵ پەرێشانم وەرە