نازانم من بۆچی وام

باریک بووم وێنەی دەزوو
دەچمە هەوا بە یەک فوو
لە یەک میزان ناچمە دەر
بوومە بەردی تەرازوو
بولبولی ناو قەفەسم
سواری ئەسبی ناحەزم
ناشوێرم لێی دابەزم
هەر من سەختم نابەزم

وا دەڕوا مانگ و ساڵم
سەیرە بەخت و ئیقباڵم
هەر کەسێ دەکەم بە دۆس
ئەو لێم دەبێ بە زاڵم
ئەو لێم دەبێ بە زاڵم
هەر کەس دەکەم بە یارم
بە دۆستی دڵ عوزارم
خۆشەویست و دڵدارم
هەر ئەو دەبێ بە مارم
هەر ئەو دەبێ بە مارم

ئەگەر چوار فەسڵی ساڵێ
بۆی بچمە دەر لە ماڵێ
هەرچی هەمە بیدەمێ
وەک مار لە لاقم دەئاڵێ
وەک مار لە لاقم دەئاڵێ
نازانم من بۆچی وام!؟
چاکەی دەکەم بەردەوام
لەگەڵ دۆستانم بە عام
هەر دەشبێتەوە خەتام
هەر دەبێتەوە خەتام