قوربانی دوو ئەبرۆی ڕەشی فیتنەگەرت بم
حەیرانی لەبی خەندەیی شیرینشەکەرت بم
ئەم مەجلیسە وا مەستە لەبەر بادەیی چاوت
هەر من بە دڵ و گیان و جگەر بادەگەرت بم
وەک سۆفی بە حیلە* مەکە مەنعم لە تەماشا
قوربانی دڵی ساف و سەفای بێخەتەرت بم
تۆ مانگی* تەماشا وەرە ئەمڕۆکە بە لەنجە
قوربانی قەدی شۆخی* شەدەی لاری سەرت بم
کێ بێ کە ئەکێشێ* بە جەفا و نازی دوو چاوت
هەر خۆم* بە فیدای چاوی ستارەی سەحەرت بم
هەر لەحزە بە سەد تەرزە دەکا فیتنە بە مەیلت
قوربانی دووسەد نازی بە چاوی نەزەرت بم