من نەمدەزانی ئەوین وەهایە
قەدەرم هەمووی وا لە عەشقایە
خۆشەویستیی تۆ هێند لە دڵمایە
من چارەنووسم لەگەڵ تۆدایە
نەمزانی هێندە دڵم شەیدایە
بێ تۆ هەڵناکەم هیچ لەم دونیایە
نەمزانی دڵداری دەبێتە خەمباری
ئاه و گریە و زاری دەشێوێ شەوگاری
من چی بکەم قەدەرە لە توانام بەدەرە
ناگۆڕێ تا سەرە جا ئیتر تۆش وەرە
عیشقی تۆ لێیداوم من بێ تۆ ڕووخاوم
شێتی تۆم تا ماوم بێچارە و داماوم
من چی بکەم قەدەرە لە توانام بەدەرە
ناگۆڕێ تا سەرە جا ئیتر تۆش وەرە
هەرگیز نەمزانی عەشقت نووسراوە
لە ناو چاوانی من مۆر کراوە
دوعای ناشادی لە من خوێنراوە
لە تەختی قەدەر بۆم هەڵواسراوە
دەستی جادووگەر بۆ من بڕاوە
تا هەیە شادی لێی دوور خراوە
نەمزانی دڵداری دەبێتە خەمباری
ئاه و گریە و زاری دەشێوێ شەوگاری
من چی بکەم قەدەرە لە توانام بەدەرە
ناگۆڕێ تا سەرە جا ئیتر تۆش وەرە