بڵاچەی ئەورەگان ناو شەوەیل سەرد واران بۊد
خشەی بێگیان پاییز گەڵایل زەرد داران بۊد
لە هۊرم دی نیەچوود گشکەس پەژارێ سەرد زمسانەیل
ت بەشدار بەش گەورای خەمەیل دەردەداران بۊد
وەمەردی یا وە نامەردی رەفیقەیل کەوڕتر دانەو
ئەمان دەسخوەش هەنینەگەم ت جوور جارجاران بۊد
لە شوون لێسک خوەر تاوێگ زەبوون خوەد نەکردیدن
بنەماڵەی خوەرەتاوەیل! ت نیشتەجای نساران بۊد
هزار دەروەن لە شوون ت وە پەڵپ دارەگان سزیان
ت نەیودن تا وە چەو بۊنید، خەرێو ناو شاران بۊد