Bilaçey ewregan naw şeweyl serd waran büd
Xişey bêgyan payîz gelayl zerd daran büd
Le hürm dî nyeçûd gişkes pejarê serd zimsaneyl
T beşdar beş gewray xemeyl derdedaran büd
Wemerdî ya we namerdî refîqeyl kewrtir danew
Eman desxiweş henînegem t cûr carcaran büd
Le şûn lêsk xwer tawêg zebûn xwed nekirdîdin
Binemaley xweretaweyl! t nîştecay nisaran büd
Hizar derwen le şûn t we pelp daregan sizyan
T neywidin ta we çew bünyd, xerêw naw şaran büd