دڵ لە حەسرەت غەمزەکەی دوو نێرگسی پڕ خەوتەوە
وەک خەمی زوڵفت عەزیزم، چوو بەڕوودا کەوتەوە
مەنعی سووتانم ئەکەن من بە شەوقی ڕوومەتی چۆن نەسووتم
چۆن نەسووتێم من بە ئاگر، ئەو بە باری نەوتەوە!
ڕۆژی ئەوەڵ بوو کە زانیم من ئەبێ دێوانە بم
عاشقی تۆ نەوعی مەجنوون وا بە کێو و هەردەوە
مەرحەمەت کە زوو بڕۆ قاسد بڕۆ بڵێ دەردی دڵم
نازی پاپۆشت دەکێشم من بە تۆز و گەردەوە
من کە پشتوانی باڵا و بۆسەچینی کوڵمەتم
چی دەکەم ئاخر لە سەیری باغ و بەی بەم دەردەوە