بۆکان هەورامی

بۆم بڵێ تۆزە تۆزە

بە دەنگی: بۆکان هەورامی
شێوەزار: سۆرانی
324
بۆم بلێ تۆزە تۆزە
هەوری لە ملان ئالۆزە
باسکم وە ژوور سەری دە
جەهەندەم دەشکێ گۆزە
لەبەر بەدکار ناوێرم لێی کەم جەژنە پیرۆزە
وەرە دەستم دستۆکە بەم گەرما و تەپ و تۆزە
ئاوری لە من بەرداوە خالی شینی پیرۆزە

بەژنرێکی وەکوو تۆ لە هیچ کوێ نەبینراوە
زولفت چنووری کاوان بێ باران سەوز کراوە
برۆت مانگی یەک شەوە چۆن وا جوان چەمێنراوە
روومەت بەفری گمۆیە خوێناوی پیا رژاوە
چاوت پیالەی مەستانە شەرابی تێ کراوە

برژانگت وێنەی پەیکان راست و تیژ دادراوە
جووتە لێوی قەیتانت لەسەر یەک دانراوە
ددانت وەکوو مرواری بە وردی ریز کراوە
روومەت بەفری گمۆیە خوێناوی پیا رژاوە
چاوت پیالەی مەستانە شەرابی تێ کراوە
بۆم بلێ تۆزە تۆزە...
گمۆ: چیایەکی نێزیک بانە
دەستۆکە: کورتکراوەی "دە ئەستۆ کە"
چنووری کاوان: چنووری چیاکان یان کوێستانان
کاوان: کۆی کاو بە واتای چیای بەردین