ماڵت وێران بێ شەوە بۆچ منت نەبردەوە
عاشقی چاوی توورانم برۆی پێوەستن پێکەوە
با لەسەر تۆ بمکوژن وەکوو سەدر و پێشەوا
لە بۆکان لە دارم دەن وەک شێربەگی یەک شەوە
تووران یانە بمکوژە و یانە ڕەگەڵم کەوە
هەم نارنجە و هەم بێیە ماڵیان لەسەر خڕێیە
دۆستی گەورەم توورانە و چاوی ڕاستم خەجێیە
بەر دەرکی ماڵە تووران پۆستی گوێچکەدەرێیە
بە دەرکێیدا ڕابردم دایکی بەرۆکی گرتم
خوشکی پەڵپی لێ گرتم
تووران گڕووی لێ گرتم
بۆ کراسی دایدڕە مردم
هەم نارنجە و هەم بێیە ماڵیان لەسەر خڕێیە
دۆستی گەورەم توورانە و چاوی ڕاستم خەجێیە
بەر دەرکی ماڵێی شێوا پۆستی گوێچکەدەرێیە
بەژنی شووش و یەک تیشە
جوانە دەڵێی قامیشە
شیرینە وێنەی کیشمیشە
ماڵ لە سارووقامیشە
تووران گڕووی لێ گرتووم
کراسی فەرموو دانیشە
لەبۆ توورانی دەکڕم
کراسی فەرموو دانیشە
هەم نارنجە و هەم لیمۆ
برادەر گیان بە مەرگی تۆ
هەرکەس ئەتۆی نەدامێ
وەباڵی منی بە ئەستۆی بۆ
سابڵاغ کووچە بە کووچە بۆکان مووچە بە مووچە
هەمووی بە قوربانی بێ تاکو دۆڵی قوڕووچە
نازانم کامیان ماچ کەم لەو بێوەژن و لەو کچە
هەم نارنجە و هەم بێیە ماڵیان وەی لەسەر خڕێیە
نەماوم بۆ تووران گیان دۆستی بچکۆڵەم خەجێیە
بەر دەرکی ماڵە تووران مەراغە و جادەڕێیە
دەسماڵ حەریری دووبەر مێردت کرد خاکم وەسەر
ئەگەر حەز دەکەی نەمرم کچێ بمشێلە ڕەش ئەسمەر
لە دوای باڵای تۆیە گیان لە سابڵاغ بووم دەربەدەر
هەم نارنجە و هەم بێیە ماڵیان وەی لەسەر خڕێیە
دۆستی گەورەم توورانە و چاوی ڕاستم خەجێیە
بەر دەرکی ماڵە تووران پۆستی گوێچکەدەرێیە