مردنە بێ تۆ ژیانم زیللەتە بێ تۆ عیززەتم
دەردە خۆراکم لە دوای* تۆ زەهرە بێ تۆ شەربەتم
تۆش وەکوو من قوڕ ئەپێوی* گەر بزانی عیللەتم
وێڵی سەحراکەی نەهاتی غوربەتی پڕمیحنەتم
ئیرسی مەجنوونە خەڵاتم لەیلەکەم ون کردووە
رۆڵە غەم دەوامی زۆرە زوو ئەڕوا لە دڵ سەیر و سەفا
ئولفەتم گرتووە لەگەڵ* عیللەت نییە چارە و شیفا
بەرد ئەبارێنێ بە سەرما چەرخی بێ ڕەحم و وەفا
نەونیهالی ئەحمەدی بوو سەروی قەددی مستەفا
زوو بەسەرچوو چی بکەم حوکمی قەدەر وای کردووە
گیانە چیم لە جاه و حورمەت و ئیقبالە بۆچیمە حەشەم
وەک جەهەننەم وایە جەننەت وەی لە گوڵزاری ئیرەم
قەت نییە و نابێ فەرەح بێ تۆ هەتا ڕۆژی عەدەم
دڵ لە ناری فیرقەتت وەک خونچە تەنگ و پڕ لە خەم
کوا نەسیمی وەسفەکەت خۆی بۆ حەشر هەڵگرتووە
کوێستانان خاڵ خاڵ گیانە بەفری ناچێتۆ
لەیلێ تۆراوە هاوار ئاشتی نابێتۆ
ئای خاڵەی ڕێبوار خاڵە ڕێگاکەم دوورە
مەنزڵ کوێستان هاوار توێشوو زەروورە
خاڵۆ خاڵۆ خاڵە خاڵەی تفەنگ لە شان
بە گەرمیان ئەڕۆی خاڵە یانە بۆ کوێستان
گەر بۆ کوێستانە خاڵە منیش دێم لە دووت
هەڵسە با بڕۆین خاڵە هەردووکمان بە جووت