دڵم مەکۆی عیشقی یارە
لە دووریی دڵ بریندارە
شەو و ڕۆژ دڵ دەناڵێنێ
وەرە بتبینم ئەمجارە
سەرم سووڕماوە لەم کارە
چەند بێوەفایە ئەم یارە
بە شوێنیدا سەرگەردانم
غەریب ماوم من لەم شارە
وەرە وەرە تاقە یارم
ئەستێرەی شەوگاری تارم
هەر کاتێ یارم دەبینم
ساڕێژ دەبنەوە برینم
ساتێ بڕوانە حاڵی من
با بەس بێ ناڵە و گرینم
بە سەرگەردت سەر و ماڵم
لە دووی تۆ شێت و عەبداڵم
بە تینی ئاگری دووریت
وەک پەروانە سووتا باڵم
وەرە وەرە تاقە یارم
ئەستێرەی شەوگاری تارم