ئاخر ئەم دڵەم بۆچی ئەشکێنی؟
خۆ بەرد نییە لە شووشە ئەچێ
ئەم ڕۆحەم بۆچی بە قوربان ئەکەی؟
هەر لە کۆترێکی بریندار ئەچێ
ڕۆژێ هەزار جار لە دەورت گەڕێ
هەر وا ئەزانم بەیانی زووە
با هەموو شەوێ شەوی یەڵدا بێ
ئێشکت بۆ دەگرم بە دەم خەوەوە
من بە دیارتەوە سەر سپی ئەکەم
هەتا ئەو ساتەی خەونی تۆم هەبێ
تاکوو تەمەنم بکشێ بەرەو ژوور
عەشقت تەرزەیە و بە ناخما ئەچێ
وا مەزانە من مات و بێدەنگم
گوایە عەشقی تۆم بیر چووبێتەوە
چرۆی ئاواتم هەتا زەردتر بێ
تا دێ عەشقی تۆ سەوز ئەچێتەوە
من بە دیارتەوە سەر سپی ئەکەم
هەتا ئەو ساتەی خەونی تۆم هەبێ
تاکوو تەمەنم بکشێ بەرەو ژوور
عەشقت تەرزەیە و بە ناخما ئەچێ