چەند دوور بم لێت بەڵام دڵم هەر لەلاتە
شەو و ڕۆژ خەیاڵم لە دەوری باڵاتە
چی بکەم دڵشکاوم بە یادی تۆ ماوم
هەر شەوێ بیرت کەم تا سەحەر گریاوم
بە جۆرێ بیرت ئەکەم وا بیری کەس ناکەم
تەنها خۆشی و شادیت لە خوا تەمەنا کەم
لە پاییزا ڕۆشتم بە بەهار دێمەوە
حەز ئەکەم جوانترین گوڵت بۆ بێنمەوە
عەزیزم دابڕانم لە تۆ مەحاڵە
ئەزانم تۆش بە دڵ هەر وای لەو خەیاڵە
وەک پاییز و گەڵا، وەک هەنگەزەردە و گوڵ
قەت بێ یەک هەڵناکەین خۆشم ئەوێی بە دڵ
چەند دوور بم لێت بەڵام دڵم هەر لەلاتە
شەو و ڕۆژ خەیاڵم لە دەوری باڵاتە
چی بکەم دڵشکاوم بە یادی تۆ ماوم
هەر شەوێ بیرت کەم تا سەحەر گریاوم