خۆزگەم بە جاری جاران لە دەشت و لە هەواران
لێوم بە پێکەنین بوو جەم بووم لە کۆڕی یاران
یار لە دوورەوە دەهات خولیای دیداری ئەو بووم
لێم زیز دەبوو ئەتۆرا، دێوانەی تۆرانی بووم
داخ ئەکەم عومری لاویم بەسەر چوو
پیری هات و جەوانیم بەسەر چوو
هێزی گیان و هەوای دڵ نەماوە
سەردەمی هەرزەکاریم بەسەر چوو
هێشتا بە یادی یارم ئەچمەوە بۆ جێژوانان
سەرخۆش ئەبم لە یادی دەچمەوە جاری جاران
فرمێسکم وەکوو ڕووبار ئەسرینە و ئەسرینباران
خەیاڵ و بیرم ئەڕوا بۆ دەشت و کێو و شاران
داخ ئەکەم عومری لاویم بەسەر چوو
پیری هات و جەوانیم بەسەر چوو
هێزی گیان و هەوای دڵ نەماوە
سەردەمی هەرزەکاریم بەسەر چوو