
بە عەشقی تۆ زامدارم عیلاجی دڵەکەم چی بێ
کە تۆ دەرمان نەبی بۆم دەوای دەردەکەم چی بێ
وەرن سەیری جوانی و بەژن و باڵای یارم کەن
بەشەر بەم شێوە نابێ ئاخۆ قەسدی خوا چی بێ
ئای سووتام بۆ تۆ سووتام
سووتام و بێتاوانم
دە وەرە دەردت لە گیانم
جارێ تر بتبینم ئەوسا با دەرچێ گیانم
جارێکی تر بتبینم ئەوسا با دەرچێ گیانم
من لە دووری تۆ دایم شین و زاریم کردووە
وێڵی کێوان، لەسەر تۆ تەرکی شارم کردووە
بەو دڵەت قەسەم کە زۆر بێڕەحمە دەرهەق بە من
شەو لەسەر قەولت تا ڕۆژ ئینتیزارم کردووە
ئای سووتام بۆ تۆ سووتام
سووتام و بێتاوانم
دە وەرە دەردت لە گیانم
جارێ تر بتبینم ئەوسا با دەرچێ گیانم
جارێکی تر بتبینم ئەوسا با دەرچێ گیانم
خونچەی پێکەنین لەسەر هەر دوو لێوم ژاکاوە
ئاوازم خەمگین و هەر دوو دیدەم بۆت خوێناوە
خۆت ئەزانی بەرگەی ساتێکی دووریت ناگرم
عەجەب ماوم کە ماوم، بۆچی بێ تۆ نامرم
ئای سووتام بۆ تۆ سووتام
سووتام و بێتاوانم
دە وەرە دەردت لە گیانم
جارێ تر بتبینم ئەوسا با دەرچێ گیانم
جارێکی تر بتبینم ئەوسا با دەرچێ گیانم