دڵی بردم بە ناز و عیشوە دیسان شۆخی عەییارێ
فریوی دام بە سیحری چاوی خۆی مەحبووبی سەححارێ
لە هیجرانا تەقم کرد ئەی ڕەفیقان کوا مەدەدکارێ
ئەمان مردم عیلاجێ سا لە ڕێی پێغەمبەرا چارێ
ویسال، یا قەتڵ یا تەسکین، لە هەر سێ بۆم بکەن کارێ
ئەی موتریبی حەریفان دەس کە بە نەغمەخوانی
ئاوازی تۆیە بۆ دڵ وا دەفع ئەکا غەمانی
لە ڕێگەی عەشقەوە داینایە پێم زنجیری مەجنوونی
لە دەستم چوو ڕومووز و دانیشتن* و فەهمی فەلاتوونی
وەکو شەخسێ کە زاری کا لە دەوری* دوژمنی خوێنی
لە کونجی سینە دەنگی ئای و ئۆیی دڵ دێ بە مەجنوونی*مەحزوونی
وێران بێ نەمدی ساتێ لێی نەیە ناڵەی بریندارێ
بەزمت شیفایە سا دەی بۆم لێدە بە عوود و نەی
ئەو دەردەی دڵ هەتا کەی چی ماوە عومری فانی