دوێنێ دیم لە ڕێی کانی دەستم برد بۆ مەمکانی
پێم گوت عاشقی باڵای تۆم جوانێ بۆ بە دەردم نازانی
فەرمووی ئەمنیش بە دڵی تۆم گیانە چون عاشق و ماڵوێرانی
ئۆخەی ئۆخەی کیژۆڵێ باڵابەرز نەرم و نۆڵێ
برینداری تیری تۆم گیانە خوێن لە برینم دەچۆڕێ
ڕاوەستا لە هەیوانێ لەو هەیوانی چوارگۆشە
بەخۆم نێ مەنعم مەکەن گیانە کن لێوئاڵێم پێ خۆشە
ساڵە بە دایمەی خودا گیانە بۆ وی ئەو دڵەم لە جۆشە
ئۆخەی ئۆخەی کیژۆڵێ باڵابەرز نەرم و نۆڵێ
برینداری تیری تۆم گیانە خوێن لە برینم دەچۆڕێ
سەرێ کە مەستی نازم دڵێ کە بۆت نەماوە
دڵم هەقی بە دەستە گیانە فتوای سەری دراوە
حەو ساڵان یاری من بووی جوانێ بۆچیت نەکرد ماڵاوا
ئۆخەی ئۆخەی کیژۆڵێ باڵابەرز نەرم و نۆڵێ
برینداری تیری تۆم گیانە خوێن لە برینم دەچۆڕێ
برینداری عیشقی تۆم گیانە خوێن لە برینم دەچۆڕێ
سنگت بەفری قەندیلی بە شنەی شەماڵ دەتواوە
چ لە خۆم شک نابەم گیانە لەسەر چی دڵت ئێشاوە
دوێنێ کە یاری من بووی جوانێ بۆچیت نەکرد ماڵاوا
ئۆخەی ئۆخەی کیژۆڵێ باڵابەرز نەرم و نۆڵێ
برینداری تیری تۆم گیانە خوێن لە برینم دەچۆڕێ