دەی ماڵێ بابم نەسرین دانیشە تێر تێر بگرین
ماڵوێران کوڕیان بمرێ بێهوودە لێکیان کردین
ئەی شەوێ تاکوو بەیانی باسکتم بۆ بکە بە سەرین
دەردی لە ماڵی دنیام کەلەگەت و خوێنشیرین
چەندەی لێ پاڕامەوە ئاوڕی لێ نەدامەوە
ئەو ئاوڕەی لێی دامەوە کەوتم هەڵنەستامەوە
نەخۆش و دەردەدارم لێوئاڵ بێت بە لامەوە
دەی ماڵێ بابم نەسرە من دیم بەو دەمی عەسرە
پێم گوت ئاوێزانت بم غەریبم مەکە غەدرە
خزمینە مەمکەن لۆمە شیرنە بە وێنەی شەکرە
ئاوری لە من بەرداوە سەد ماشەڵا بە مەکرە
ماڵێ بابم نەسرینە جوانە و خوێنی شیرینە
بەین و بەینەڵڵا وایە میسلی کۆلکەزێڕینە
ئاوری لە من بەرداوە لەسەر چی لێم بە قینە
ئاوری لە من بەرداوە وەک کۆترێ سەرباڵ شینە
نەسرین زۆر مەزەداری دەڵێی دەنکی هەناری
ئاورت لە من بەرداوە لەبەر چی لێم بێزاری
پێم گوت ئاوێزانت بم سەوزی وێنەی خەیاری
چەندەی لێ پاڕامەوە ئاوڕی لێ نەدامەوە
ئەو ئاوڕەی لێی دامەوە کەوتم هەڵنەستامەوە
من نەخۆش و دەردەدارم لێوئاڵ بێت بە لامەوە
لە دووری باڵای لێوئاڵ بێ دوکتۆر دەتلامەوە
لەبەر ئەو ژنە ڕەشتاڵە قەدی دەڵێی شمشاڵە
من سەر کەمە سەر ڕانت پێم دادە بەو دەسماڵە
گەر گولە پرسی کێیە!؟ ڕامژێنە بڵێ منداڵە
گەر بوو یەکجاری قسە کرد بمشێلە بڵێ بێحاڵە
لەبەر دەرکییان دارە هەنجیرە یان هەنارە
لەسەر باڵای لێوئاڵێ با بمدەن لە سێدارە
شەرتە تاکوو نەمکوژن دەسهەڵگر نیم لەو یارە
شەو و ڕۆژ لەیل و نێهار دڵ بۆ تۆ بێقەرارە
یاری خۆم لێ تۆراوە لە من ڕەش بوو هەناوە
کەلەکەی چەپم کونە لێوئاڵ بە مست لێیداوە
پێم گوت نابی بە یارم خوداحافیز ماڵئاوا
مانگی چاردە ئەو کچەی دی خەجاڵەت بوو گەڕاوە
بۆت دەڵێم تۆزە تۆزە هەوریت لە ملان ئاڵۆزە
لەبەر دایکت ناوێرم لێت بکەم جێژنە پیرۆزە
باسکم وە ژوور سەری دا جەهەندەم دەشکێت گۆزە
دە وەرە دە وەرە با جووت بین بەو گەرما و تەپ و تۆزە